Oswaldo DeLeón Kantule - "Achu" |
We Sobed Sik
Oswaldo DeLeón Kantule (nabir achuye bile dabalid)Panamá-yargine gwalulesad Kuna-yar-naid Usdub-neggweburgi. Birga-miligwen gaka dulataled-ilabakeebak gaka dulapaa-gaka-nergwagi gwalulesad. We-dulede, amba we-ibmar-sobed durdakar-suli bato ibmar-sobedgi alamakalid. Geb sorba galu-dummadgi durdakarbali, Universidad-Panamá'ye-nugadgi,, onodapi birga Milibo kakabogi. Durgwengus bato wargwengi na ibmar sobsamaladi oyodanigusdo, degidgine, mulluganba neggwebur-dummagangi yeergus e-ibmar-sobmalad oyodanibalid. We-neggweburmargi oyoledanikid: "Cuba, Canadá, El Salvador, Guatemala, México, Estados Unidos, degine, neggwebur-baiganmargi" Geb e-sobsamalad nanaibali, we-negweburmargi: "Cuba'gi, España'gi, Francia'gi, Cánada'gi, Alemania'gi, Gran Bretaña'gi, Bélgica'gi, Portugal'gi, Argentina'gi, degine, neggwebur-baiganmargi. Oswaldo Panamá'gi wagar-wilub-soblegedgi bengusbalid, agine na obinnonigusbalid birga Miligwen kaka dula pake kakambegi. Geb birgabo-birgabogi Panamá'gi ibmar-sobedgi-bengulegedgi ese gollenonikid. Napidgine, galu-dummad Museo de Indio Americano'ye-nugad Smithsonian'gad, agine na nug- salenonikid. Ade we-galu-museo'de dadgan-ibmar-sobsamalad sabgulesidid. Nug-salenoniki, museo'gi ibmar-sabgulesid durdakdagega, emisgine e-neggamba, Canadá-yargine maido. Be itogua.
©2008 Oswaldo DeLeón Kantule diseño web AlSan